29.10.2026 | 12:47
Բոլսոնարուն ժամանել է ԱՄՆ՝ իրեն հռչակելով Բրազիլիայի «առաջնորդ»
Բոլոր իշխանությունները ձգտել են անկախության հզորացման ճանապարհով գնալ. Սերգեյ Բագրատյան. ՏԵՍԱՆՅՈՒԹ
Քաղաքականություն
22.09.2021 | 14:40
Ընդդիմադիրների՝ համերգին չմասնակցելը քաղաքական ակցիա էր: Բոլոր ժամանկներում էլ բացականեր լինում են տոնակատարությունների ժամանակ: Այս մասին ԱԺ-ում լրագրողների հետ ճեպազրույցում ասաց ՔՊ պատգամավոր Սերգեյ Բագրատյանը:
«ՀՀ 30-ամյակը մեզ՝ բոլորիս է վերաբերում, և բոլորիս սրբությունն է այդ անկախությունը պահելը»,- նշեց Բագրատյանը՝ հավելելով, որ բոլորը լծված պետք է լինեն անկախությունը սրբորեն պահելու գործին:
Նրա խոսքով՝ բոլոր իշխանությունները ձգտել են պետականության հզորացման ճանապարհով գնալ. «Այլ հարց է, որ շատ դեպքերում կառավարման ապաշնորհության, կոռուպցիայի բարձր աստիճանի և բազմաթիվ ընտրակեղծիքների հետևանքով եղել են խեղաթյուրումներ, որոնք վնասել են պետությանը»,- նշեց պատգամավորը:
Բագրատյանն անդրադարձավ նաև Փաշինյանի այն հայտարարությանը, որ հաղթելու համար երբեմն պարտադիր չէ ուրիշներին հաղթել:
««Հաղթելու համար պետք չէ հաղթել»․ մենք բոլոր արտահայտությունները ուղիղ ենք հասկանում։ Այսինքն, ես պետք է ձեզ հետ ոչ թե կռվելով հաղթեմ, այլ իմ վրա աշխատելով, իմ ինտելեկտուալ կարողությունները բարձրացնելով։ Դրանով ձեզ հաղթեմ, ոչ թե բոքսով ձեզ հաղթեմ։ Ուղիղ իմաստով դուք դա պետք է հասկանաք, որ հաղթել՝ անպայման չի նշանակում կրակել, մարդ սպանել:
Ես չեմ հարցրել մեկնաբանությունը, բայց, եթե չեմ սխալվում, Նժդեհն էր ասում՝ որպեսզի թշնամուդ հաղթես, ունեցիր հզոր պետականություն նրա քթի տակ։ Այսինքն, սա հաղթելու մի բանաձև է, որը չի ենթադրում անպայման պատերազմել և պատերազմում հաղթել։ Ենթադրում է, որ մեր բարեկեցությունը, մեր հզորությունը, մեր կրթական բարձր ցենզը մեզ բավարար է»,- նշեց պատգամավորը։
Մանրամասները՝ տեսանյութում:
