Քաղաքականություն
22.09.2021 | 12:32Ի՞նչ տրամաբանություն է աշխատել, որ Մարգահովիտ մեծ համայնքը միանալու է Փամբակ համայնքին։ Բնակչության թվի և ռելիեֆի տարբերություն կա»,-ԱԺ տարածքային կառավարման, տեղական ինքնակառավարման, գյուղատնտեսության և շրջակա միջավայրի պահպանության հարցերի մշտական հանձնաժողովի կազմակերպած՝ «ՀՀ վարչատարածքային բաժանման մասին» օրենքում փոփոխություններ և լրացումներ կատարելու մասին» օրենքի նախագծի հանրային քննարկման ժամանակ այսօր ՀՀ տարածքային կառավարման և ենթակառուցվածքների փոխնախարար Վաչե Տերտերյանին հարցրեց «Հայրենիք» կուսակցության անդամ Վահե Դոխոյանը։
«Նաև Լոռու մարզի Շիրակամուտ գյուղից են դիմել։ Ըստ վարկածի՝ խոշորացվելու է ողջ տարածաշրջանը՝ միանալով Սպիտակին։ Քաղաքային համայնքի ղեկավարն ի վիճակի՞ է լինելու գյուղի խնդիրներով զբաղվել։ Համայնքի բնակիչները սա չեն պատկերացնում»,- նշեց նա։
Վաչե Տերտերյանն արձագանքեց՝ նշելով՝ թող տպավորություն չլինի, թե գյուղը, միանալով քաղաքին, դառնալու է քաղաք․ «Կառավարումն է մեծանում։ Ունենալու ենք մեծ ավագանի՝ իր հանձնաժողովներով, որոնցից մեկը լինելու է գյուղատնտեսության հարցերով։ Ներկայացուցիչներ կլինեն Շիրակամուտից էլ, Ջրաշենից էլ, ուստի գյուղատնտեսության հարցերով ևս կզբաղվեն»։
Մանրամասները՝ տեսանյութում:
