07.03.2026 | 18:10
Դատախազությունը, չնայած բոլոր սադրանքներին, միշտ լինելու է բարեկիրթ, հարգալից և պրոֆեսիոնալ. Աննա Վարդապետյան
Վրաստանից մի խումբ լրագրողներ ու փորձագետներ այցելել են Արցախի գրավյալ տարածքներ․ կլինեն նաև հայկական Շուշիում
Քաղաքականություն
21.09.2021 | 20:24
Վրաստանից մի խումբ լրագրողներ, բլոգերներ ու փորձագետներ այցելել են Արցախի գրավյալ տարածքներ։ Ադրբեջանական լրատվամիջոցների հաղորդմամբ՝ նրանք արդեն եղել են Հադրութի շրջանի Հորադիս գյուղում, ծանոթացել ականազերծման աշխատանքներին։
Նախօրեին էլ Ադրբեջանի նախագահի օգնական Հիքմեթ Հաջիևը հանդիպել է վրացական պատվիրակության անդամներին և այդ մասին գրառում կատարել թվիթերյան իր միկրոբլոգում։
«Ուրախ էի հանդիպել հարևան Վրաստանից լրագրողների, բլոգերների, գիտնականների հետ։ Կայացավ կարծիքների անկեղծ ու լայն փոխանակում տարածաշրջանային հարցերով։ Վրացի ընկերները կայցելեն «Արևելյան Զանգեզուր» և «Ղարաբաղի տնտեսական գոտիներ», հատկապես՝ Շուշի ու Աղդամ»,- գրել է Հաջիևը։
Նշենք, որ վրացական պատվիրականության այցը կազմակերպել է Վրաստանում Ադրբեջանի դեսպանությունը՝ SOCAR-ի տեղի ներակայացուցչության աջակցությամբ։ Այս մասին հաղորդել էր Թբիլիսիում Ադրբեջանի դեսպանատունը՝ նշելով, որ վրացական պատվիրակությունը բաղկացած է լրագրողներից, փորձագետներից ու հեղինակավոր հասարակական գործիչներից։ Դեսպանատունը նաև տեղեկացրել էր, որ պատվիրակության անդամները Բաքու և Գանձակ այցելելուց զատ՝ կլինեն նաև Արցախի գրավյալ տարածքներում՝ Ակնայում, Վարանդայում, Ջրականում, ինչպես նաև Շուշիում։
Էմմա Չոբանյան
