16.09.2026 | 19:37
Եվրոպա լիգա․ «Արարատ-Արմենիայի» մեկնարկային կազմը «Սպարտա Պրահայի» դեմ խաղում
Հայաստանում ինտերնետն ազատ է, Ադրբեջանում՝ ոչ․ Freedom House-ը զեկույց է հրապարակել
Քաղաքականություն
21.09.2021 | 18:14
Freedom House իրավապաշտպան կազմակերպությունը հրապարակել է 2021 թվականի Համացանցի ազատության զեկույցը: Freedom House-ի փորձագետների փոխանցմամբ՝ Հայաստանում ինտերնետն ազատ է:
Զեկույցում նշվում է, որ համացանցի համաշխարհային ազատությունն արդեն 11-րդ տարին անընդմեջ նվազում է։ Ըստ փաստաթղթի՝ ամենամեծ վատթարացումները գրանցվել են Մյանմարում, Բելառուսում և Ուգանդայում, որտեղ պետական ուժերը սահմանափակել են համացանցի հասանելիությունը՝ ընտրական և սահմանադրական ճգնաժամերի ֆոնին:
Համաձայն զեկույցի՝ աշխարհի առնվազն 48 երկրի իշխանություններ անցած տարվա ընթացքում նոր կանոններ են կիրառել տեխնոլոգիական ընկերությունների համար՝ բովանդակության, տվյալների և մրցակցության վերաբերյալ: Մի քանի դրական բացառություններով՝ տեխնոլոգիական ոլորտը կարգավորելու մղումը, որը որոշ դեպքերում իսկական խնդիրների է հանգեցնում, ինչպիսիք են առցանց ոտնձգությունները և մանիպուլյացիոն շուկայական գործելակերպը, օգտագործվում է խոսքի ազատության դեմ ոտնձգության և մասնավոր տվյալներին ավելի մեծ հասանելիություն ստանալու համար:
Ինտերնետի ազատությունն ուսումնասիրվել է աշխարհի շուրջ 70 երկրներում։ Հարավային Կովկասի երկրներից Հայաստանը և Վրաստանն ընդգրկված են ազատ երկրների, իսկ Ադրբեջանը՝ ոչ ազատ երկրների շարքում։ Ոչ ազատ են համարվել նաև Ռուսաստանը, Թուրքիան, Կենտրոնական Ասիայի երկրները, ինչպես նաև Ուկրաինան։
Տաթև Ֆռանյան
