29.06.2026 | 21:12
Կաշկանդված եմ Մեդվեդևի խոսքը մեկնաբանել, քանի որ չեմ կարդացել. Վահագն Ալեքսանյան․ ՏԵՍԱՆՅՈւԹ
Բանակցողին չենք թողնելու` ինչ ուզի բանակցի. Սասուն Միքայելյանը` Փաշինյանին. ՏԵՍԱՆՅՈՒԹ
Քաղաքականություն
21.09.2021 | 13:10
«Եթե հույս եք դրել Քոչարյանի վրա, խնդրեմ, գնացեք: Բա ո՞ւր էր Քոչարյանն էն ժամանակ, չէին պատկերացնում՝ ինչ է կատարվո՞ւմ: Քոչարյանի ժամանակ ալան – թալանն ինչի՞ հետ էր կապված: Եթե թշնամին միլիարդներով, նոր սպառազինությամբ զինվում էր, մենք ի՞նչ էինք անում, երկիրն էինք թալանո՞ւմ, դա՞ էր մեր հակակշիռը զինվող Ադրբեջանին»,- այս մասին Եռաբլուրում լրագրողների հետ զրույցում նշեց ԵԿՄ նախագահ Սասուն Միքայելյանը:
Անդրադառնալով դիտարկմանը, որ Թուրքիան և Ադրբեջանը սկսել են առավել ակտիվորեն խոսել «Զանգեզուրի միջանցք» տրամադրելու մասին և հարցին՝ հնարավո՞ր է ժողովրդի թիկունքում որևէ պայմանավորվածություն կայանա, Միքայելյանը պատասխանեց. «Վարչապետն անձամբ նշել է, որ նման բան չկա: Մենք պետք է պինդ լինենք, ամուլ լինենք: Ես իմ կառույցի հետ ամեն բան անում եմ, որ հզորանա մեր պետությունը, մեր կառավարությունն էլ իր թիկունքում ուժ զգա, մենք բանակի կողքին ենք եղել ու միշտ կլինենք: Բանակը պետք է հզորանա, որովհետև աշխարհում միշտ ուժեղի հետ են հաշվի նստում»:
«Գերտերությունների վերադասավորում է տեղի ունենում աշխարհում, մենք ոտնատակ կընկնենք, եթե մի քիչ խելոք չլինենք: Եթե այսօր հզոր չենք, գնում ենք խաղաղության ճանապարհով, բանակցային փուլ է ընթանում, չպետք է խանգարենք, բայց նաև պիտի թույլ չտանք՝ բանակցողն ինչ ուզի, իր ուզած ձևով բանակցի, ով ուզում է լինի»,- ընդգծեց ԵԿՄ նախագահը:
Մանրամասները՝ տեսանյութում:
