15.12.2025 | 23:44
Ադրբեջանը պետք է դադարեցնի անձանց հսկողության MIRAS համակարգի ներդրումը. HRW
ՄԱԿ-ը շարունակում է մնալ ՀՀ Կառավարության և հայ ժողովրդի հաստատուն գործընկերը և կշարունակի մնալ Հայաստանի կողքին. Շոմբի Շարփ
Քաղաքականություն
21.09.2021 | 11:37
Հայաստանում ՄԱԿ-ի մշտական համակարգող Շոմբի Շարփը շնորհավորական ուղերձ է հղել Հայաստանի անկախության օրվա առթիվ։
«ՄԱԿ-ի ամբողջ թիմի անունից և որպես ՄԱԿ-ի գլխավոր քարտուղարի ներկայացուցիչ՝ ցանկանում եմ մեր ջերմագույն շնորհավորանքները փոխանցել Հայաստանի Հանրապետության Կառավարությանը և ժողովրդին՝ Անկախության 30-ամյակի կապակցությամբ։
Այս վերջին երեք տասնամյակների ընթացքում ՄԱԿ-ը հետևողականորեն ընդլայնել է Հայաստանի Կառավարության հետ իր հարաբերությունները՝ հիմնված վստահության, հարգանքի և ընդհանուր արժեքներին նվիրվածության վրա, որոնք նպաստում են ինչպես երկրում, այնպես էլ՝ համաշխարհային մակարդակում խաղաղության և բարեկեցության հաստատմանը: Չնայած դժվարին ժամանակներին՝ միասին մենք հասել ենք մարդկանց կյանքը բարելավելու ուղղությամբ նշանակալի արդյունքների` հիմնված ներառական, կայուն զարգացման և ամրապնդված ժողովրդավարական ինստիտուտների վրա:
Միավորված ազգերի կազմակերպությունը շարունակում է մնալ ՀՀ Կառավարության և հայ ժողովրդի հաստատուն գործընկերը և կշարունակի մնալ Հայաստանի կողքին` լուծելու վերջին ճգնաժամերի, համավարակի և հակամարտությունների հետևանքները՝ բոլորիս համար կերտելով ավելի լավ ապագա` ՄԱԿ-ի 2021-2025 թթ. Գործընկերության շրջանակի իրականացման և Օրակարգ 2030-ին հասնելու միջոցով։
Մաղթում եմ բոլորին ուրախ և նշանակալի Անկախության օր»,- ասված է շնորհավորական ուղերձում:
