08.10.2026 | 12:30
Ուկրաինական ԱԹՍ-ները հարվածել են Ռյազանում «Յանդեքս»-ի տվյալների կենտրոնին և Բաշկորտոստանում նավթավերամշակման գործարանին
Կրակոցներ Պերմի պետական համալսարանում․ զոհվել է 5 մարդ, վիրավորվել՝ 6-ը (թարմացվում է)
Քաղաքականություն
20.09.2021 | 11:33
11:49
Նախանական տվյալների համաձայն՝ 5 մարդ զոհվել է, 6-ը՝ վիրավորվել։ Այս մասին հայտնել են ՌԴ Քննչական կոմիտեից։
—————————————————————————————————————–
11:38
ՌԴ ներքին գործերի նախարարությունից պարզաբանել են, որ կան զոհեր ու վիրավորներ:
Պերմի պետական համալսարանում անհայտ անձը կրակ է բացել։ ՌԻԱ Նովոստին հայտնում է, որ կրակոցները հնչել են տրավմատիկ զենքից։ Համալսարանից հայտնել են 4 տուժածի մասին։
Համացանցում հայտնված տեսանյութում երևում է, թե ինչպես են ուսանողները դուրս ցատկում համալսարանի պատուհաններից։ Մյուս ուսանողները փակված են դասասենյակներում։
Իսկ ահա Mash-ի հաղորդմամբ, նախնական տվյալներով, կրակոցներն իրականացրել է 18-ամյա Թիմուր Բեկմանսուրովը։ «Երկար ժամանակ է մտածել եմ այդ մասին, անցնում էին տարիներն, ու ես հասկացա, որ եկել է երազանքս կատարելու պահը»,- ասված է նրա սոցցանցի էջում արված հրապարակման մեջ։
Նա մանրամասն պատմել է, որ անցել է հոգեբուժական զննում, գնել է զենք ու նախապատրաստվել գրոհին։
Սկզբում նա ցանկանում էր հարձակվել իր նախկին դպրոցի վրա, սակայն վերջին պահին մտափոխվել է: Նա գրել է, որ դպրոցը «չափազանց տհաճ վայր է՝ իր կյանքի վերջին 10 րոպեն այնտեղ անցկացնելու համար»:
112 թելեգրամյան ալիքն էլ հայտնում է, որ հրաձգության հետևանքով երեք մարդ է զոհվել:
Տաթև Ֆռանգյան
