06.06.2026 | 01:06
«Ուժեղ Հայաստանի» մասնակցությունը կվիճարկվի՞ Վարչական դատարանում, թե՞ ոչ․ «Հանրապետության» անդամը՝ իրենց որոշման մասին
Շառլ Ազնավուրի հրապարակից բերման է ենթարկվել 21 անձ
Քաղաքականություն
18.09.2021 | 16:57
Շառլ Ազնավուրի հրապարակից բերման է ենթարկվել բողոքի ակցիա իրականացնող քաղաքացիներից 21-ը․ Factor.am-ին հայտնեցին Ոստիկանությունից։
«Քաղաքացիները բերման են ենթարկվել վարչական իրավախախտումների վերաբերյալ օրենսգրքի 182-րդ հոդվածի հատկանիշներով»,- ասաց ՀՀ Ոստիկանության հասարակայնության հետ կապի և լրատվության վարչության զանգվածային լրատվամիջոցների հետ կապի, վերլուծության և լրատվության բաժնի պետ Զարզանդ Գաբրիելյանը։
Վերոնշյալ հոդվածը վերաբերում է ոստիկանության զորքերի զինծառայողի կամ ոստիկանության ծառայողի օրինական պահանջը չկատարելուն։
Գաբրիելյանի խոսքով՝ բերման ենթարկված քաղաքացիներն ազատ կարձակվեն արձանագրություն կազմելուց հետո։
Նշենք, որ բողոքի ակցիա են իրականացնում 44-օրյա պատերազմում զոհված և անհետ կորած զինծառայողների հարազատները՝ ընդդեմ սեպտեմբերի 21-ին Հանրապետության հրապարակում նախատեսված միջոցառմանը։ Նրանք նշել են, որ չեն լքելու փողոցը և շարունակելու են պայքարը։
Հիշեցնենք, որ զոհված զինծառայողների հարազատները բողոքի էին դուրս եկել նաև սեպտեմբերի 16-ին և 17-ին։
Արփի Հակոբյան
