09.06.2026 | 00:17
Մարկո Ռուբիոն շնորհավորել է Փաշինյանին
Էրդողանը ՄԱԿ-ի գլխավոր վեհաժողովում պատրաստվում է ներկայացնել իր գիրքը
Քաղաքականություն
17.09.2021 | 23:31
Թուրքիայի նախագահ Ռեջեփ Թայիփ Էրդողանն իր հեղինակած «Ավելի արդար աշխարհ հնարավոր է» գիրքը, որը թարգմանվել է անգլերեն, արաբերեն ու ֆրանսերեն, պատրաստվում է ներկայացնել ՄԱԿ-ի Գլխավոր վեհաժողովում անդամ երկրների այն ղեկավարներին, որոնց հանդիպելու է, գրում է թուրքական Daily Sabah-ը։
Էրդողանը պատրաստվում է Նյու Յորք-ում սեպտեմբերի 19-22-ը մասնակցել ՄԱԿ-ի Գլխավոր վեհաժողովին ու տարբեր այլ միջոցառումների։ Նա հանդիպումներ է ունենալու նաև մի շարք երկրների ղեկավարների հետ։
Գրքում Թուրքիայի նախագահը մատնանշում է գլոբալ քաղաքականության, հատկապես անարդարության, փախստականների ճգնաժամի, միջազգային ահաբեկչության և հակաիսլամական հռետորաբանության երկընտրանքները և ՄԱԿ-ի օրինակով բացահայտում է աշխարհում առկա խտրականությունն ու երկակի ստանդարտները:
Հաղորդվում է, որ գրքում Էրդողանը խոսում է նաև ՄԱԿ-ի անվտանգության խորհրդում բարեփոխումների անհրաժեշտության մասին։ Գիրքը նաև ներառում է ՄԱԿ-ի վերակառուցման առաջարկներ, «Աշխարհը հինգից մեծ է» հեռանկարի կիրառում ու կենտրոնանում է ՄԱԿ-ի ԱԽ-ի կառուցվածքի փոփոխության վրա։
Էմմա Չոբանյան
