03.05.2024 | 12:14
Կիևն իրավունք ունի Լոնդոնի տրամադրած զենքերով հարվածել ՌԴ-ում թիրախներին․ Քեմերոն
Ադրբեջանը ցանկանում է Շուշին հռչակել «Թյուրքական աշխարհի» մշակութային մայրաքաղաք
Քաղաքականություն
17.09.2021 | 18:51
Ադրբեջանի մշակույթի նախարար Անար Քերիմովը Ուզեկստանի Խիվա քաղաքում Թյուրքական մշակույթ միջազգային կազմակերպության (TurkSoy) նախարարների 38-րդ նիստում Արցախի գրավյալ հայկական Շուշի քաղաքի թեկնածությունն է առաջադրել 2023թ․ Թյուրքական աշխարհի մայրաքաղաքի կոչման համար։ Այս մասին նախարարը հայտնել է թվիթերյան իր էջում։
«Ես մասնակցեցի Խիվայում նախարարների 38-րդ նիստին, պատմեցի մեր երկրի համագործակցության մասին կազմակերպության հետ, Ղարաբաղում պատմամշակութային հուշարձանների ավերման, պատերազմի մասին, ինչպես նաև Շուշիի թեկնածությունն առաջադրեցի 2023-ին թյուրքական աշխարհի մշակութային մայրաքաղաքի դերում»,- գրել է ադրբեջանցի նախարարը։
Հիշեցնենք, որ ավելի վաղ էլ Ադրբեջանի նախագահ Իլհամ Ալիևը հրամանագիր է ստորագրել ու հայկական Շուշին «Ադրբեջանի մշակութային մայրաքաղաք» հայտարարել։
Հավելենք նաև, որ Ադրբեջանը հետևողականորեն շարունակում է ոչնչացնել Շուշիի հայկական պատմական, մշակութային, հոգևոր ժառանգությունը՝ ձգտելով ամեն կերպ քաղաքից վերացնել հայկական հետքերը։
Էմմա Չոբանյան
