18.01.2026 | 15:52
Հայաստանի ծանրամարտի տղամարդկանց ընտրանին այս տարվա առաջին ուսումնամարզական հավաքն անցկացնում է Գյումրիում
Կալիֆորնիայում հրշեջ-փրկարարները փորձում են փրկել աշխարհի ամենամեծ ծառը կրակի ճիրաններից
Քաղաքականություն
17.09.2021 | 22:11
Կալիֆորնիայի հրշեջ -փրկարարները փորձում են փրկել աշխարհի ամենամեծ ծառերը, որոնց սպառնում են անտառային հրդեհները. դրանք, արդեն մի քանի շաբաթ է, մոլեգնում են Սեքվոյա ազգային պարկում, գրում է BBC-ի ռուսական ծառայությունը:
Այգին առավել հայտնի է իր հսկա սեքվոյաներով, այդ թվում ՝ 80 մետրանոց հսկա Գեներալ Շերմանով, որն իր ծավալով երկրի ամենամեծ ծառն է, նրա տարիքը գնահատվում է 2300-2700 տարեկան։
Հրշեջ-փրկարարներն օգտագործում են հրադիմացկուն ալյումինե թաղանթ` Գեներալ Շերմանի և այլ ծառերի բունը պաշտպանելու համար:
Անտառային հրդեհները սպառնում են 2000 հսկա սեքվոյաների: Հրդեհների պատճառ են դարձել երկարատև երաշտը և շոգ եղանակը Կալիֆորնիայում:
Հսկա սեքվոյաների կեղևը հրադիմացկուն է և կրակի ցածր բոցերը վտանգավոր չեն ծառերի համար, ասում են մասնագետները։ Սակայն ներկայիս հրդեհները դրանց թվին չեն դասվում ու կարող են ոչնչացնել ծառերը։
Հսկայական սեքվոյաների տարիքը կարող է գերազանցել 3000 տարին, իսկ դրանց բարձրությունը հասնել 100 մետրի։
Տաթև Ֆռանգյան
