11.06.2026 | 22:59
ԿԸՀ-ն անվավեր ճանաչեց 10/51 ընտրատեղամասի արդյունքները. ՔՊ-ն այնտեղ 630 քվե էր ստացել, «Ուժեղ Հայաստանը»` 222
Ալիևը հանձնարարել է Արցախի գրավյալ տարածքների ականազերծումն արագացնող միջոցառումներ մշակել
Քաղաքականություն
16.09.2021 | 20:14
Ադրբեջանի նախագահ Իլհամ Ալիևն Արցախի գրավյալ տարածքների ականազերծման մասին նոր հրամանագիր է ստորագրել, որում նշվում է ականազերծման աշխատանքների արագացման մասին։ Գրում են տեղական լրատվամիջոցները։
Մասնավորապես, Ալիևը ստորագրել է «Ադրբեջանում աշխատանքները համակարգելու լրացուցիչ միջոցառումների մասին»: Փաստաթղթում հանձնարարվում է 3 ամսվա ընթացքում մշակել ու պետության ղեկավարին ներկայացնել Արցախի գրավյալ տարածքներն ականներից ու չպայթած զինամթերքից ականազերծման աշխատանքների ուժեղացման ուղղությամբ տարվող աշխատանքների ծրագիր։
Հանձնարարվել է նաև մշակել ականազերծման տարեկան աշխատանքային ծրագիր և ամեն տարի հաստատել այն մինչև դեկտեմբերի 25-ը:
Նշենք, որ Ադրբեջանին այդպես էլ չի հաջողվում արագ տեմպերով ականազերծել Արցախի գրավյալ տարածքները։
Օրես էլ Ադրբեջանի Ականազերծման պետական գործակալությունը հայտարարել էր, որ Արցախն ականներից ազատելու համար կպահանջվի 13 տարի։ Նրանց տվյալներով՝ Արցախի գրավյալ տարածքներում ականապատված է 14․000 քառակուսի կմ տարածք։
Ադրբեջանցիներին էլ ականազերծման գործում օգնում են ինչպես թուրք մասնագետները, այնպես էլ ռուս խաղաղապահները։
Էմմա Չոբանյան
