16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Գերմանիայում հրեական համայնքի դեմ ահաբեկչություն է կանխվել
Քաղաքականություն
16.09.2021 | 21:59
Գերմանիայի իրավապահ մարմինների տվյալների համաձայն՝ հրեական համայնքի դեմ ահաբեկչություն է կանխվել արեւմտյան Հագեն քաղաքում:
Հագենի սինագոգի տարածքում իրականացված հատուկ գործողության արդյունքում 4 մարդ է բերման ենթարկվել․ հինգշաբթի հայտնել են Դորտմունդի ոստիկանության բաժանմունքից, գրում է DW-ի ռուսական ծառայությունը։
Իր հերթին՝ Հյուսիսային Հռենոս -Վեստֆալիայի ներքին գործերի նախարարության ներկայացուցիչը հաստատել է, որ մեկ դեռահաս է ձերբակալվել: Հագենի ոստիկանությունից հայտնել են նաև 4 կասկածյալի ձերբակալության մասին, որոնցից մեկը 16 տարեկան է: Հաղորդվում է, որ զուգահեռաբար խուզարկություններ են իրականացվել։
Ավելի վաղ ԶԼՄ-ները հայտնել էին Հագենում ահաբեկչության սպառնալիքի պատճառով մի քանի մարդու կալանավորման մասին:
Մասնավորապես, ըստ Der Spiegel-ի, ձերբակալվել է ծագումով սիրիացի 16-ամյա տղա, որը պատրաստվում էր պայթյուն իրականացնել: Սեպտեմբերի 16-ի առավոտյան խուզարկություն է իրականացվել այն բնակարանում, որտեղ դեռահասն ապրում էր հոր հետ:
Տաթև Ֆռանգյան
