20.12.2025 | 18:06
Ֆուտզալի միջազգային ընկերական մրցաշարի մասնակիցներից մեկը չի ժամանել Երևան
Համայնքների խոշորացման դեմ բողոքող Գեղամասարի բնակիչները բացել են Սոթք-Վարդենիս ճանապարհը
Քաղաքականություն
16.09.2021 | 12:06
Գեղարքունիքի մարզի Գեղամասար գյուղի բնակիչները առավոտից փակել էին Սոթք-Վարդենիս ճանապարհը՝ բողոքելով համայնքների խոշորացման դեմ։
Բնակիչները պահանջում էին հանդիպում մարզպետի, Տարածքային կառավարման նախարար Գնել Սանոսյանի հետ։
«Մենք պահանջում ենք վերանայել որոշումը։ Մենք արդեն իսկ մեկ անգամ խոշորացված ենք, 18 համայնք ենք, սահմանամերձ ու հիմա ուզում են դարձնեն 35` միացնելով Վարդենիսին։ Էս պահին դա չէ ամենակարևոր գործը, այս պահին ավելի կարևոր են սահմանների անվտանգության հարցերը, թող դրանք լուծեն։ Թող գան, տեսնեն Կութում ինչ ա կատարվում ու հետո մտածեն մնացած բաների մասին»,- Factor.am-ի հետ զրույցում ասաց Գեղամասարի բնակիչներից մեկը։
Բնակիչները նաև դժգոհում էին, որ մի թուղթ վերցնելու համար ամեն անգամ ստիպված են լինում տաքսիներին մեծ գումար վճարել, նոր խոշորացման դեպքում առանց այդ էլ դժվար կյանքն ավելի կդժվարանա։
Բնակիչները արդեն բացել են ճանապարհը՝ այն բանից հետո, երբ նրանց խոստացել են օրվա ընթացքում պատասխանել պահանջներին, եթե այդ պատասխանը իրենց չբավարարի, կմտածեն արդեն հետագա գործողությունների մասին։
