Քաղաքականություն
15.09.2021 | 19:13«Հայաստան» խմբակցության պատգամավոր Աննա Գրիգորյանը ԱԺ-ում կառավարության հետ հարցուպատասխանի ժամանակ դիմեց վարչապետ Նիկոլ Փաշինյանին՝ նշելով․ «Ասում եք՝ Ադրբեջանը կանգնեցնում է իրանական մեքենաներն ի պատասխան նրա, որ մենք միջանցք չենք տալիս։ Փաստորեն սրանք Ադրբեջանի կողմից հերթական ապօրինի գործողություններն են, սադրանք է՝ մեզ ճնշելու, որպեսզի տրամադրենք միջանցք։ Պարզ է, որ հայկական շահը թելադրում է, որ մենք միջանցք չենք տալու։ Այսինքն՝ Ադրբեջանն ամեն անգամ նման սադրանքի է գնալու։ Սև լճում սադրանքը տեսանք, ոչ մի համարժեք միջոցառում չենք իրականացնում, այս պահին իրանական մեքենաներն են կանգնացնում, և մենք համարժեք գործողություններ չենք իրականացնում։ Լավ, այսքան պարտվողական քաղաքականությամբ մենք ինչքա՞ն զիջումների ենք պատրաստ գնալու։ Երկու օր մեր գյուղերը շրջափակման մեջ էին, երաշխիք կա՞, որ դա չի կրկնվի»։
«Ես ասել եմ, որ այդ ճանապարհի մասին նախատեսվում է եռակողմ հայտարարություն, հետո հարց եմ տվել՝ ստորագրվե՞ց այդ եռակողմ հայտարարությունը, թե՞ ոչ։ Եվ պատասխանել եմ՝ ոչ։ Բայց ես չեմ ասել, որ եղել է բանավոր պայմանավորվածություն։ Երկրորդ, Սյունիքում մեր գյուղերը շրջափակման մեջ չեն հայտնվել և չեն հայտնվելու։ Կա՞ն արդյոք ռիսկեր, այո, կան ռիսկեր։ Եվ ՀՀ կառավարությունը այդ ռիսկերը կառավարելու համար ձեռնարկում է բոլոր անհրաժեշտ միջոցառումները»,-պատասխանեց Փաշինյանը:
Մանրամասները՝ տեսանյութում:
