Քաղաքականություն
15.09.2021 | 22:18
Վրաստանը շատ բան է կորցնում պրոեվրոպականացման ճանապարհին, եթե նախկինում առաջատար էր, ապա այժմ առաջատար է դարձել խնդիրների թվով, ասել է Եվրախորհրդարանի պատգամավոր Անդրիուս Կուբիլիուսը «Mtavari Arkhi» հեռուստաընկերության եթերում, գրում է EADaily-ն:
«Մենք ցանկանում ենք արդյունքներ: Բոլոր քաղաքական կուսակցությունների ձեռք բերած համաձայնությունը պետք է կյանքի կոչվի: Սա հիմք է հաջորդ քայլերի համար: Եթե այս ընտրություններում «Վրացական երազանքը» չհավաքի 43%, ապա ԵՄ-ն ճնշում կգործադրի արտահերթ ընտրությունների նշանակմանը հասնելու համար, ինչպես դա ամրագրված էր համաձայնագրում », – ասել է նա:
Վրաստանի իշխանությունների վաղեմի քննադատի խոսքով՝ ԵՄ-ում «շատ անհանգստացած են Վրաստանում իրադարձություններով»։
«2019 թվականից հետո, երբ ես Վրաստանում էի, մենք մի քանի հնարավորություն ունեինք, որպեսզի երկիրը ճգնաժամից դուրս հանենք։ Եղել է 2020 թվականի մարտի 8-ի համաձայնագիրը, այնուհետև 2021 թվականի ապրիլի 19-ի համաձայնագիրը, սակայն երկու անգամ էլ ամեն բան ապարդյուն ավարտվեց։ Ցավում եմ, որ Վրաստանը շատ բան է կորցնում պրոեվրոպականացման ճանապարհին։ Այդ եկիրը նախկինում առաջատար էր, այժմ առաջատար է խնդիրների թվով»,- ընդգծել է նա։
Տաթև Ֆռանգյան
