25.04.2026 | 21:33
Մանվել Խնձրցյանը և Վազգեն Թևանյանը տպավորիչ հաղթանակներով դարձան ԵԱ-ի բրոնզե մեդալակիրներ. ՏԵՍԱՆՅՈՒԹ
ՄԱԿ-ի գլխավոր քարտուղարն անվանել է մարդկության ամենամեծ թշնամուն
Քաղաքականություն
15.09.2021 | 23:30
Աշխարհի բոլոր երկրները պետք է դադարեցնեն ռազմական հակամարտությունները և կենտրոնանան ընդհանուր թշնամու՝ կորոնավիրուսային համաճարակի դեմ պայքարի վրա: Այդ մասին Գլխավոր ասամբլեայի 76-րդ նստաշրջանի բացման ժամանակ ունեցած ելույթի ժամանակ հայտարարել է ՄԱԿ-ի գլխավոր քարտուղար Անտոնիո Գուտերեշը, գրում է korrespondent-ը:
«Մենք հանդիպում ենք մեծ մարտահրավերների և պառակտումների, հակամարտությունների և կլիմայի փոփոխության, աղքատության և անհավասարության վատթարացման պահին: Համաճարակը շարունակում է սպառնալ մարդկանց կյանքերին, կենսապայմաններին և ապագային: Այս մարտահրավերներն ավելի են սրվում մեր աշխարհին սպառնացող հարուստների և աղքատների միջև պառակտմամբ», – հայտարարել է ՄԱԿ-ի գլխավոր քարտուղարը:
Նրա խոսքով ՝ առկա բոլոր մարտահրավերներն ու պառակտումները գեներացվում են մարդկանց կողմից, և դրանք կարող են հաղթահարվել, եթե համաշխարհային հանրությունը միավորվի:
«Անհրաժեշտ է ակտիվացնել պատվաստմանն ուղղված ջանքերը և արձագանքել կլիմայական փոփոխություններին։ Միմյանց հանդեպ պատերազմներին պետք է վերջ դրվի»,- հավելել է Գուտերեշը:
Տաթև Ֆռանգյան
