14.10.2026 | 19:37
Ծանրորդ Սամվել Մարտիրոսյանը դարձավ ԵԱ-ի բրոնզե մեդալակիր
Երևան-Մեղրի ճանապարհին «ԳԱԶ-3110» է գլորվել ձորը. բռնկված հրդեհից 3 անձ տուժել է
20.03.2018 | 10:54
ՀՀ արտակարգ իրավիճակների նախարարություն մարտի 20-ին՝ ժամը 04:11-ին, տեղեկություն է ստացվել, որ Վայոց ձորի մարզի Չիվա գյուղի մոտ տեղի է ունեցել ՃՏՊ՝ հրդեհի բռնկմամբ. անհրաժեշտ է փրկարարների օգնությունը. տեղեկացնում է ՀՀ ԱԻՆ-ը:
Պարզվել է, որ Մ-2 ավտոճանապարհի Երևան-Մեղրի հատվածի 100-րդ կմ-ին «ԳԱԶ-3110» մակնիշի 35 LS 592 պետհամարանիշով ավտոմեքենան (վարորդ՝ 1961 թ. ծնված Ժ. Մ.) դուրս է եկել ավտոճանապարհի երթևեկելի հատվածից, գլորվել հարակից ձորակը (մոտ 15 մ) և բռնկվել:
Մինչ փրկարարների՝ կանչի վայր հասնելը վարորդը և ուղևորներ՝ 1965 թ. ծնված Լ. Դ.-ը, 1957 թ. ծնված Թ. Մ.-ը հոսպիտալացվել են Եղեգնաձոր քաղաքի ԲԿ, որտեղ բժիշկները տուժածների առողջական վիճակը գնահատել են միջին ծանրության:
Փրկարարները փակել են ավտոմեքենայի գազի բալոնի փականը:
Հրդեհը մեկուսացվել է ժամը 04:45-ին, մարվել՝ 04:47-ին: Ամբողջությամբ այրվել է ավտոմեքենայի շարժիչի հատվածը:
