14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
«Նիկոլաս» արևադարձային փոթորիկը սաստկացել է․ ամերիկացի օդերևութաբանները նախազգուշացրել են
Քաղաքականություն
14.09.2021 | 22:24
Մեքսիկական ծոցում ձևավորված «Նիկոլաս» արևադարձային փոթորիկը սաստկացել է` վերածվելով առաջին կատեգորիայի․ մրրիկը մոտենում է ԱՄՆ-ի Տեխաս նահանգին: Այդ մասին հայտնում է Փոթորիկների վերահսկման ԱՄՆ-ի ազգային կենտրոնը (NHC):
«Նիկոլասը» դարձել է մրրիկ: Այն հորդառատ անձրևներ, ուժեղ քամիներ և փոթորկոտ ալիքներ է բերում Տեխասի կենտրոնական շրջաններ եւ վերին ափամերձ հատվածներ»,-ասված է NHC-ի Twitter-յան հայտարարության մեջ:
Տեղեկացվում է, որ փոթորիկը կարող է առաջիկա օրերին հարվածել նաև Լուիզիանա նահանգին: ԱՄՆ-ի օդերևութաբանների կարծիքով՝ քամու առավելագույն արագությունը ժամում հասնում է 120 կիլոմետրի: Փոթորիկը շարժվում է ժամում 16 կիլոմետր արագությամբ։
