14.09.2026 | 19:44
Երևանում մեկնարկել է կայուն տրանսպորտային միջանցքներին նվիրված աշխատաժողով
Վրաստանում հաշվում են, թե քանի մարդ է սպասում Սաակաշվիլիի վերադարձին
Քաղաքականություն
14.09.2021 | 23:14
Կազմակերպությանը, որը ստեղծվել է Վրաստանի նախկին նախագահ Միխեիլ Սաակաշվիլիի հայրենիք խաղաղ վերադարձի համար, արդեն գրանցվել է 41 հազար մարդ, ասել է ընդդիմադիր «Իրավունք և արդարություն» կուսակցության նախագահ, պատգամավոր և շարժման նախաձեռնող Թակո Չարկվիանին, գրում է Sputnik-ի վրացական ծառայությունը:
Անցյալ շաբաթ Սաակաշվիլին Facebook-ում տեսաուղերձով հայտարարել է Վրաստան վերադառնալու մտադրության մասին` երկրում հոկտեմբերի 2-ին կայանալիք ընտրությունների նախաշեմին: Երկրի նախկին ղեկավարի խոսքով՝ ինքը չի վախենում ձերբակալությունից։
Դրանից հետո Չարկվիանին հայտարարել է «ընդհանուր ժողովրդական շարժման» ստեղծման մասին ՝ Սաակաշվիլիին հայրենիք վերադարձնելու համար:
«Սաակաշվիլիի խաղաղ վերադարձի շարժումը վերջերս է ստեղծվել։ Դրան կարող են գրանցվել բոլոր ցանկացողները»,- հայտարարել է Չարկվիանին։
Նա նշել է, որ կարծում է, որ նման աստիճանի քաղաքական գործչի հետապնդումը սխալ է։
Տաթև Ֆռանգյան
