30.07.2026 | 16:33
ՌԴ-ում «Արբատ»-ի հիմնադիր Արմեն Սարգսյանի մահվան գործով Վարաժ Մանուկյանը դատապարտվել է 22 տարվա ազատազրկման
Ադրբեջանի մաքսային կոմիտեն իրանական բեռնատարների հարկման վերաբերյալ հայտարարություն է տարածել
Քաղաքականություն
13.09.2021 | 21:49
Ադրբեջանի պետական մաքսային կոմիտեն անդրադարձել է Գորիս-Կապան ճանապարհին իրանական բեռնատարների հարկման վերաբերյալ լուրերին․ հաղորդում են ադրբեջանական լրատվամիջոցները։
Նշվում է, որ Ադրբեջանի մաքսային օրենսդրության 210 հոդվածի համաձայն` հարկման են ենթակա օտար պետությունների տրանսպորտային միջոցները, որոնք երկիր մուտք գործելիս և դուրս գալիս։
«Համաձայն այդ հոդվածի՝ ավտոտրանսպորտային միջոցները հարկվում են «Պետական տուրքի մասին» օրենքով, պետական տուրքը վճարվում մուտքի թույլտվության համար, որը կարգավորում է միջազգային ավտոմոբիլային փոխադրումները երկրի տարածքում»,-ասվում է հաղորդագրության մեջ։
Հավելենք, որ ավելի վաղ ՀՀ ազգային անվտանգության ծառայությունը տեղեկացրել էր, որ սույն թվականի սեպտեմբերի 12-ին՝ ժամը 12։00-ից Գորիս-Կապան միջպետական ճանապարհի Որոտան բնակավայրի մոտ Ադրբեջանի վերահսկողության տակ գտնվող Էյվազլի բնակավայրի հատվածում Ադրբեջանի Հանրապետության ոստիկանության կողմից իրականացվում է իրանական պետհամարանիշներով բեռնատարների վարորդների ու բեռի փաստաթղթերի ստուգում։
Էմմա Չոբանյան
