23.08.2026 | 22:08
2 քննիչներին ծեծի ենթարկած ոստիկանը և ևս 1 մեղադրյալ կալանավորվել են․ ՔԿ
Արթուր Ղազինյանը երրորդ անգամ չընտրվեց պաշտպանության և անվտանգության հարցերի մշտական հանձնաժողովի փոխնախագահ
Քաղաքականություն
13.09.2021 | 16:27
Այսօր Ազգային ժողովում տեղի ունեցավ պաշտպանության և անվտանգության հարցերի մշտական հանձնաժողովի արտահերթ նիստը։ Օրակարգում հանձնաժողովի նախագահի տեղակալի ընտրության հարցն էր։
«Հայաստան» խմբակցության կողմից առաջադրված թեկնածուն՝ Արթուր Ղազինյանը, արդեն երրորդ անգամ չընտրվեց փոխնախագահի պաշտոնում։ ՔՊ-ական պատգամավորները նիստում հերթական անգամ անդրադարձան թեկնածուի հակաիշխանական գրառումներին՝ շեշտելով, որ նրան չեն ընտրելու այդ պաշտոնում։ Եվ դա տեղի ունեցավ արդեն երրորդ անգամ։
Այսպիսով, հանձնաժողովը կմնա առանց նախագահի տեղակալի առնվազն մինչև հաջորդ արտահերթ նիստի անցկացումը։
Մերի Մարտիրոսյան
