19.12.2025 | 12:45
Լավագույն հոդված՝ բնապահպանական թեմաներով․ Factor.am-ն արժանացել է մրցանակի
Լավրովը մեկնաբանել է հնարավոր պատերազմի մասին Զելենսկու հայտարարությունը
Քաղաքականություն
10.09.2021 | 22:37
Ինչպես արդեն գրել էր Factor.am-ը, Ուկրաինայի նախագահ Վլադիմիր Զելենսկին հնարավոր է համարել Ռուսաստանի հետ լիարժեք պատերազմի հավանականությունը, սակայն կարծում է, որ դա «ամենամեծ սխալը» կլինի: Նա այս մասին հայտարարել է ուրբաթ օրը YES Brainstorming ֆորումի ժամանակ։
Եվ ահա, չուշացավ արձագանքը Ռուսաստանից․ ԱԳ նախարար Սերգեյ Լավրովը հայտարարեց, որ Ռուսաստանի հետ պատերազմ սկսելու վտանգի մասին Վլադիմիր Զելենսկու հայտարարությունն արժանի չէ նույնիսկ ուշադրության:
«Կարծում եմ, որ այդ հայտարարությունը նույնիսկ արժանի չէ ուշադրության», -Լավրովի խոսքերը մեջբերում է ՌԻԱ Նովոստին:
ՌԴ ԱԳ նախարարը նաև ափսոսանք է հայտնել, որ Զելենսկին, ով իշխանության է եկել բոլորովին այլ կարգախոսների ներքո և աջակցություն է ստացել նաև Ուկրաինայի արևելքում, այժմ հայտարարում է՝ նա, ով ապրում է Ուկրաինայում և իրեն ռուս է համարում, պետք է մեկնի Ռուսաստան:
