Քաղաքականություն
10.09.2021 | 22:12
Հնդկաստանի Կարնատակա նահանգի իշխանությունները մի քանի շրջաններում պատրաստվածության բարձր մակարդակ են հայտարարել հարևան Կերալա նահանգում վտանգավոր նիպահ վիրուսի հայտնաբերումից հետո։ Այս մասին հայտնել են երկրի առողջապահության տարածաշրջանային նախարարությունից, գրում է ՌԻԱ Նովոստին:
Ավելի վաղ հաղորդվել էր, որ մահացու նիպահ վիրուսի ախտանիշներ են հայտնաբերվել Հնդկաստանի Կերալա նահանգից 11 մարդու մոտ, նրանց վիճակը կայուն է: Այս բոլոր մարդիկ շփվել էին 12-ամյա տղայի հետ, ով մահացել էր այդ վիրուսից: Երեխայի մահից հետո բժիշկները սկսել են ստուգել նրա հետ շփում ունեցող 251 մարդու:
Կարնատակայի առողջապահության նախարարության ուղեցույցում նշվում է, որ Կերալայից ժամանողների մոտ պետք է ստուգվի այնպիսի ախտանիշների առկայությունը, ինչպիսիք են ջերմությունը, մտավոր փոփոխությունները, ուժեղ թուլությունը, գլխացավը, շնչառական խանգարումները, հազը, փսխումը, մկանների ցավերը, սպազմերն ու լուծը:
Տաթև Ֆռանգյան
