18.09.2026 | 17:02
Պակիստանում մզկիթում իրականացված պայթյունի հետևանքով առնվազն 15 մարդ է զոհվել, 50-ը՝ վիրավորվել․ ՏԵՍԱՆՅՈՒԹ
«Այ ոչխար, հերիք ա նույն բանը կրկնեք», «Երևի Զարուհու աչքը մնացել ա կնքահորս վրա», «Ամեն մեկը մի քանի անգամ ամուսնացած բաժանված են». հատվածներ Երևանի ավագանու նիստում հնչող հայտարարություններից
19.03.2018 | 16:02
Երևանի ավագանու այսօրվա նիստին բուռն քննարկվեցին «Երկիր Ծիրանի» խմբակցության կողմից ներկայացված 2 նախագծերը, որոնցից մեկով առաջարկվում է Վազգեն Սարգսյանի անվան փողոցի մի հատվածը անվանել Վուդրո Վիլսոնի անունով, իսկ մյուսով՝ Երևանում տեղադրել «Մարտի 1»-ի զոհերի հիշատակը հավերժացնող հուշարձան։
Երբ քննարկվում էր բյուջեի կատարողականը, «Երկիր Ծիրանիից» Մարինա Խաչատրյանը, կրկին անդրադարձավ այս թեմային, նշեց, որ ավագանու նիստերի դահլիճում ներկա են մարդիկ, որոնցից մեկի հորն են սպանել, մեկի ամուսնուն, մյուսի` քավորին, սա բորբոքեց ավագանու մյուս խմբակցությունների անդամներին: Նրանք սկսեցին բախել սեղաններին, իսկ «Ելք» խմբակցության անդամ Անի Խաչատրյանն ասաց. «Այ, ոչխար, հերիք ա նույն բանը կրկնեք: Երևի Զարուհու աչքը մնացել ա կնքահորս վրա»։
Այդ ընթացքում «Ելք»-ի ավագանու մյուս անդամները հորդորում էին Անի Խաչատրյանին չխոսել։ «Ելք»-ից Տիգրան Տեր-Մարգարյանն էլ ԵԾ-ականներին նկատի ունենալով՝ ասաց. «Կարող էին, թող իրենց ընտանիքները պահեին: Ամեն մեկը մի քանի անգամ ամուսնացած, բաժանված են»։
