29.06.2026 | 18:47
Կայա Կալլասը Կովկասի զարգացումների համատեքստում խոսել է Թուրքիայի ռազմավարական կարևորությունից
Մուրադովը գնահատել է ԼՂ-ում ռուսական խաղաղապահ զորախմբի գործունեությունը
Քաղաքականություն
09.09.2021 | 19:52
Լեռնային Ղարաբաղում ռուսական խաղաղապահ ուժերի արդեն նախկին հրամանատար, գեներալ-լեյտենանտ Ռուստամ Մուրադովը դրական է գնահատել այս տարածաշրջանում ռուս խաղաղապահների աշխատանքը, գրում է Սպուտնիկը։
«Միայն դրական եմ գնահատում։ Մեզ գնահատական է տալիս խաղաղ բնակչությունը․ այսօր Ղարաբաղում կյանքը բուռն հունով է ընթանում։ Իհարկե, չափազանց բարդ հարցեր կան, սակայն գործընթացը գնում է՝ մարդկանց վերադարձը, մի շարք խնդրահարույց հարցերի լուծումը։ Այս պատճառով էլ կարծում եմ, որ ամեն ինչ նորմալ կլինի»,- ասել է Մուրադովը։
Նա հավելել է, որ ռուս խաղաղապահները Լեռնային Ղարաբաղի տարածքում կգտնվեն հակամարտությունից հետո 5 տարվա ընթացքում։
«Առաջին 5 տարին երեք երկրների ղեկավարների միջև ստորագրված համաձայնագրի համաձայն է։ Հետագայում որոշում կկայացվի Ռուսաստանի խաղաղապահ զորախմբի [տեղակայման] հետագա երկարաձգման վերաբերյալ»,- ասել է նա ՏԱՍՍ գործակալությանը:
Նշենք, որ գեներալ-լեյտենանտ Ռուստամ Մուրադովն ավարտել է Լեռնային Ղարաբաղում ռուսական խաղաղապահ ուժերի հրամանատարի իր առաքելությունը: Խաղաղապահ զորակազմի նոր հրամանատար է նշանակվել գեներալ-մայոր Միխայիլ Կոսոբոկովը:
Տաթև Ֆռանգյան
