05.07.2026 | 13:17
Սահմանադրությունը պետք է լինի յուրաքանչյուրիս գիտակցված ընտրությունը․ Սրբուհի Գալյան
«Վրաստանի բանկի» մասնաճյուղից բոլոր պատանդներն ազատ են արձակվել
Քաղաքականություն
09.09.2021 | 19:23
Բոլոր պատանդները հեռացել են «Վրաստանի բանկի» մասնաճյուղից, որտեղ նրանց զենքի սպառնալիքով պահում էր անհայտ անձը։ «Սպուտնիկի» հաղորդմամբ՝ այս մասին ասել է Կախեթիի նահանգապետ Իրակլի Շիոշվիլին:
Այսօր զինված տղամարդը գրավել էր Կվարելի քաղաքում «Վրաստանի բանկի» մասնաճյուղն ու պահանջել է 160,8 հազար դոլար։
«Նա այլևս պատանդներ չունի։ Տարբեր ժամանակ նա տարբեր գումար է ասում։ Այնպես որ՝ այժմ նրա ու իրավապահ մարմինների աշխատակիցների միջև բանակցություններ են ընթանում։ Տեսնենք՝ ինչպիսին կլինի արդյունքը»,- ասել է Շիոշվիլին։
Նրա խոսքով՝ այժմ պատանդառուն բանկում մենակ է։
Տաթև Ֆռանգյան
