29.06.2026 | 19:28
ՔՊ նիստն ավարտվեց. Փաշինյանը մանրամասներ է հայտնում փակ նիստից. ՈՒՂԻՂ
Սուեզի ջրանցքում ևս մեկ նավ է խրվել ծանծաղուտի մեջ
Քաղաքականություն
09.09.2021 | 17:56
Եվս մեկ նավ է այսօր խրվել Սուեզի ջրանցքում ծանծաղուտի մեջ՝ որոշ ժամանակով արգելափակելով համաշխարհային բեռնափոխադրումների այս ուղին։ Ջրանցքում նախորդ՝ Ever Given-ի խափանման դեպքը տեղի էր ունեցել վեց ամիս առաջ, գրում է Daily Mail-ը։
Բեռնանավը ծանծաղուտի մեջ է խրվել ջրանցքի 54-րդ կիլոմետրում։ Փրկարարական աշխատանքներ են իրականացվել:
National-ի աղբյուրներն էլ հայտնել են, որ «աննշան» խնդիր է եղել: Ավելի ուշ Sky News-ը հայտնել է, որ Պանամայի դրոշի ներքո երթևեկող Coral Crystal նավը տեղափոխվել է վերև, իսկ երթևեկությունը վերականգնվել է: Հաղորդվում է, որ այն նավարկում էր դեպի Սուդանի նավահանգիստ:
Հիշեցնենք՝ շուրջ 6 ամիս առաջ Ever Given նավը նույնպես խրվել էր ծանծաղուտում՝ 6 օրով փակելով ջրանցքով երթևեկությունն ու կանգնեցնելով շուրջ 42 միլիարդ ֆունտ արժողությամբ համաշխարհային առևտուրը։
Տաթև Ֆռանգյան
