09.06.2026 | 00:17
Մարկո Ռուբիոն շնորհավորել է Փաշինյանին
Իրանն ավիահարվածներ է հասցրել քրդական անջատողականների դիրքերին
Քաղաքականություն
09.09.2021 | 17:38
Իրանական անօդաչուներն ու ինքնաթիռներն ավիահարվածներ են հասցրել Իրաքի Քրդստանի սահմանամերձ շրջաններին, որտեղ տեղակայված է իրանական Քրդստան նահանգից անջատողականների բազան։ Այս մասին գրում է EADaily-ն՝ հղում կատարելով քրդական Rudaw գործակալությունը։
Ռմբակոծությունների մասին հայտնել է Իրանի Քրդստանի դեմոկրատական կուսակցության ղեկավար Քավա Բահրամին: Նա նշել է, որ իրանական ինքնաթիռները վաղ առավոտից սկսել են ռմբակոծել Սիդական, Չոման և Հաջի Օմրան շրջանները:
Ավելի վաղ տեղեկությունների էին հայտնվել Իսլամական հեղափոխության պահապանների կորպուսի ցամաքային զորքերի հրամանատար Մուհամեդ Պակպուրի՝ Իրաքում և Իրաքյան Քրդստանում տեղակայված հակաիրանական քրդական խմբավորումներին հարված հասցնելու խոստման մասին:
Հավելենք, որ Իրանի Քրդստանի դեմոկրատական կուսակցությունը ԻԻՀ-ի ամենահին հակառակորդներից է:
Տաթև Ֆռանգյան
