18.01.2026 | 21:30
Վահագն Խաչատուրյանն այցելել է Ժնևի Սուրբ Հակոբ եկեղեցի
ՀԱՊԿ-ը պատրաստ է հետ մղել Աֆղանստանից բխող բոլոր հնարավոր սպառնալիքները
Քաղաքականություն
09.09.2021 | 13:39
ՀԱՊԿ-ը պատրաստ է հետ մղել Աֆղանստանից բխող բոլոր հնարավոր սպառնալիքները: ՌԻԱ Նովոստիի փոխանցմամբ՝ այս մասին հայտարարել է կազմակերպության համատեղ շտաբի պետ Անատոլի Սիդորովը։
«Այժմ ամբողջ աշխարհն անհանգստացած է, թե ինչպես կզարգանան իրադարձություններն Աֆղանստանում և դրա շուրջ: Բոլորս գիտենք, որ մեր կազմակերպությունում կան անդամ երկրներ, որոնք անմիջականորեն սահմանակից են Աֆղանստանին։ Կարծում եմ՝ մեր խնդիրն է պատրաստ լինել իրավիճակի ցանկացած զարգացման։ Դա հաշվի առնելով էլ անցկացվել են զորավարժությունները։ Դրանք հիմնականում ահաբեկչական սպառնալիքի դեմ պայքարին են ուղղված։ Մենք չենք մոռացել այն մասին, որ խնդիրներ կան Աֆղանստանի հետ մեր պետությունների սահմանին: Այնտեղ անկայուն է: ՀԱՊԿ-ը պատրաստ է հետ մղել ցանկացած սպառնալիք»,- ասել է նա Ղրղզստանում «Ռուբեժ-2021» վարժանքների ժամանակ:
Խոսելով անցկացված զորավարժությունների մասին՝ համատեղ շտաբի պետը շեշտել է, որ դրանք հաջողված են և արժանի են բարձր գնահատականի:
Տաթև Ֆռանգյան
