06.10.2026 | 10:53
Հրմշտոց՝ ԱԺ-ում. անվտանգության աշխատակիցներին դահլիճ հրավիրեցին․ ՏԵՍԱՆՅՈՒԹ
Սամվել Բալասանյանի ստեղծած դաշինքն առաջադրվեց Գյումրու ՏԻՄ ընտրություններում
Քաղաքականություն
08.09.2021 | 18:48
Գյումրու թիվ 31 ընտրատարածքային ընտրական հանձնաժողովի նախագահ Տիգրան Ղազարյանը Factor.am-ին տեղեկացրեց, որ քիչ առաջ հանձնաժողով է դիմել «Բալասանյան դաշինք» սոցիալական կուսակցությունը՝ ներկայացնելով իրենց փաստաթղթերը Գյումրու ՏԻՄ ընտրություններին մասնակցելու համար։
«Ինչպես գիտեք, սեպտեմբերի 2-ից սկսվել էին առաջադրումները, բայց մինչ օրս ոչ մի կուսակցություն կամ դաշինք մեզ չէր դիմել, սա առաջին առաջադրումն է։ «Բալասանյան դաշինք» սոցիալական կուսակցության ցուցակը գլխավորում է Վարդգես Սամսոնյանը»,-ասաց Տիգրան Ղազարյանը։
Վարդգես Սամսոնյանը զբաղեցնում է Գյումրու քաղաքապետարանի ենթակայության տակ գործող կոմունալ ծառայություն համայնքային բյուջետային հիմնարկի տնօրենի պաշտոնը։
Գյումրու ՏԻՄ ընտրություններին մասնակցելու մասին պաշտոնապես հայտարարել է նաև իշխող կուսակցությունը, որի քաղաքապետի թեկնածուն Շիրակի մարզպետ Հովհաննես Հարությունյանն է։ Հայտարարարությամբ հանդես է եկել նաև նորաստեղծ «Գյումրին կռնա» դաշինքը, որը կազմվել է Գյումրու «Ազգային արժեք» ակումբի, նժդեհյան ցեղակրոն, Հայկ (Հայկազուններ-ի), Քրիստոնեա-ժողովրդական վերածնունդ կուսակցությունների ստորագրած հուշագրով։
Ցուցակը գլխավորելու է Վարդան Սրտաշյանը, որը Գյումրու հյուրանոցներից մեկի գործադիր տնօրենն է։
Մյուս քաղաքական ուժերը դեռ պաշտոնական հայտարարությամբ հանդես չեն եկել։
Արմիկ Մովսիսյան
