15.01.2025 | 02:30
Միրզոյանն ու Բլինքենը նաև քննարկել են ՀՀ-ԵՄ գործընկերության խորացմանը միտված գործընթացը
Ավանեսյանը` ԲԿ-ներում գոյացած հերթերի և պետպատվերի ծավալների կրճատման մասին. ՏԵՍԱՆՅՈՒԹ
Հասարակություն
08.09.2021 | 12:46
Դա բացարձակ ներքին հրահանգ չէ, մենք ժամանակ առ ժամանակ, հստակ ընթացակարգով, գրագրություն ունենում ենք բոլոր ԲԿ-ների հետ։ Այս դեպքն էլ դրա մաս է կազմում, որևէ արտառոց բան չկա, ճեպազրույցում հայտարարեց Առողջապահության նախարար Անահիտ Ավանեսյանը՝ լրագրողների հետ զրույցում պատասխանելով հարցին, թե որքանո՞վ են իրականությանը համապատասխանում մամուլի հրապարակումներն այն մասին, որ Առողջապահության նախարարը ներքին շրջանառության մեջ է դրել ԲԿ-ներին ուղված գրություն, որպեսզի նրանք պետբյուջեում գումարը սպառվելու պատճառով ժամանակավորապես դադարեցնեն պետպատվերի սպասարկումը։
«Բոլոր ԲԿ-ներն էլ տարվա սկզբին կնքում են պետպատվերի շրջանակային պայմանագրեր, և հստակ ձևակերպվում է, թե տվյալ ԲԿ-ն ինչ ծավալի պետպատվեր պետք է իրականացնի։ Եվ, իհարկե, ԲԿ-ները պետք է ամեն ինչ անեն՝ փորձելու մնալ այդ շրջանակային պայմանագրային գումարների սահմանում, որովհետև բոլորս հասկանում ենք, որ բյուջեն սահմանափակ է, մենք հստակ կանխատեսում պետք է ունենանք և դիսցիպլին՝ բյուջետային միջոցները իրացնելու համար», – ասաց Ավանեսյանը։
Նա նշեց, որ տարվա կեսին ԲԿ-ներին ուղարկվել է գրություն, որ մնան պայմանագրային գումարների շրջանակում և, դիմելիության հոսքից կախված, սպասարկեն ըստ հերթագրման սկզբունքի։
«Մենք պետք է ունենանք պլանային հետազոտությունների, վիրահատական միջոցառումների ճիշտ պլանավորման մեխանիզմներ, որպեսզի տարվա ընթացքում այն անձինք, ովքեր կարիք ունեն հրատապ բուժօգնության, սպասարկվեն հրատապության սկզբունքով, իսկ այն քաղաքացիները, որոնք կարող են որոշ ժամանակ սպասել պլանային բուժօգնությանը, հերթագրման սկզբունքով անցնեն»,- նշեց նախարարը։
Մանրամասները՝ տեսանյութում:
