18.05.2026 | 23:42
«Անկախ դիտորդ»-ը պահանջում է ազատ արձակել Արթուր Օսիպյանին և պարզաբանում տալ նրա ձերբակալության հիմքերի վերաբերյալ
Փաստաբանը հրաժարվեց Արմեն Գևորգյանի պաշտպանությունն իրականացնելուց և լքեց դահլիճը. ՏԵՍԱՆՅՈՒԹ
Հասարակություն
07.09.2021 | 13:58
ՀՀ երկրորդ նախագահ Ռոբերտ Քոչարյանի ու ՀՀ նախկին փոխվարչապետ Արմեն Գևորգյանի գործով դատական նիստում Էրիկ Ալեքսանյանը հայտարարություն արեց՝ խնդրելով իր՝ որպես Արմեն Գևրոգյանի պաշտպան, պարտավորությունները դադարեցնել և կրկին լքեց նիստերի դահլիճը։
Արմեն Գևորգյանը հայտարարեց, թե ուզում է պաշտպան ունենալ, որովհետև ինքնուրույն չի կարող գործի մանրամասներին ուշադրություն դարձնել։
Գևորգյանը նշեց, որ համաձայն է Էրիկ Ալեքսանյանի հետ, որ նա այլևս չի կարող այս դատավարությունում պաշտպանել իր իրավունքը. նախկին փոխվարչապետն ասաց, թե պետք է մտածի նոր պաշտպաններ ներգրավելու մասին։ «Ես պատրաստ չէի դատական այսպիսի զարգացումների, չգիտեմ ինչքան ժամանակ կպահանջվի նոր պաշտպաններ ներգրավելու համար»,- ասաց Գևորգյանը:
Մեղադրող դատախազ Գևորգ Բաղդասարյանն էլ ասաց, թե այդ ամենը պլանավորած գործողություններ են: «Բոլորի համար ակնհայտ է, որ նրանք չեն ցանկանում մեղադրական եզրակացության մեջ առկա հաստատված փաստերը հրապարակվեն դատական նիստում, սա ակնհայտ իրավունքի չարաշահում է», – ասաց դատախազը։
