30.07.2026 | 20:30
Պուտինը վախենում է Հայաստանի եվրոպական ընտրությունից․ ՌԴ նախկին վարչապետ Միխայիլ Կասյանով․ ՏԵՍԱՆՅՈՒԹ
Կրթական համակարգն աշխարհի մեկ քառորդ երկրներում փլուզման եզրին է․ Save the Children-ն ահազանգում է
Քաղաքականություն
06.09.2021 | 21:45
Կորոնավիրուսի համաճարակի և կլիմայական ճգնաժամի պատճառով հարյուր միլիոնավոր երեխաների կրթությունը մազից է կախված։ Save the Children միջազգային կազմակերպության զեկույցի համաձայն՝ կրթական համակարգն աշխարհի մեկ քառորդ երկրներում փլուզման եզրին է։ Դրանց թվում առանձնահատուկ ծանր է վիճակն աֆրիկյան տարածաշրջանում։
ՄԱԿ-ի գնահատականներով՝ պատմության մեջ առաջին անգամ 1,5 միլիարդ երեխա համաճարակի ժամանակ դպրոց չի հաճախել, իսկ նրանց մեկ երրորդը ինտերնետ չունենալու պատճառով չի կարողացել մասնակցել հեռավար ուսուցմանը։
Համաճարակի հետ մեկտեղ՝ աշխարհը բախվում է այլ ճգնաժամերի: Դրանք ներառում են ծայրահեղ աղքատությունը և կլիմայի փոփոխությունը: Ըստ կազմակերպության զեկույցի՝ այս ճգնաժամերի համակցումը սպառնում է «մի ամբողջ սերնդի» թողնել առանց կրթության:
Save the Children-ի զեկույցի համաձայն՝ ութ երկրի դպրոցական համակարգեր «ծայրահեղ բարձր ռիսկի առջև են կանգնած», դրանց թվում են Կոնգոյի Դեմոկրատական Հանրապետությունը, Նիգերիան և Սոմալին, իսկ Աֆղանստանը շատ ավելի հետ է մնում մյուսներից:
Տաթև Ֆռանգյան
