25.04.2026 | 21:33
Մանվել Խնձրցյանը և Վազգեն Թևանյանը տպավորիչ հաղթանակներով դարձան ԵԱ-ի բրոնզե մեդալակիրներ. ՏԵՍԱՆՅՈՒԹ
Գվինեայում զինվորականները հայտարարել են երկրի նախագահին տապալելու և կառավարությունը ցրելու մասին
Քաղաքականություն
06.09.2021 | 14:22
Գվինեայի հատուկ ջոկատայինները հայտարարել են 83-ամյա նախագահ Ալֆա Կոնդեի տապալման և կառավարությունը ցրման մասին։ Զինվորակնները հայտարարել են, որ նախագահն իրենց ձեռքում է՝ հուսալի վայրում է, երկրում պարետային ժամ է հայտարարվել, փակվել են բոլոր սահմանները, գրում է BBC-ի ռուսական ծառայությունը։
Սոցցանցերում տեսանյութ և լուսանկարներ են հայտնվել, որոնցում Ալֆա Կոնդեն կոճակները քանդված վերնաշապիկով է, ոտաբոբիկ և զինվորականներով շրջապատված։ Ակնհայտ է, որ նա չի ղեկավարում նրանց գործողությունները։ Այս նյութերի իսկությունը, սակայն, դեռևս չի հաստատվել։
Առաջին հեռուստաուղերձում զինվորականները հայտարարել են սահմանադրության գործունեության դադարեցման մասին և խոստացել մշակել երկրի նոր հիմնական օրենքի նախագիծը։
83-ամյա Ալֆա Կոնդեն, որը Գվինեայի նախագահ էր ընտրվել 2010-ին, 2020-ին վերընտրվել է այդ պաշտոնում 3-րդ անգամ:
Տաթև Ֆռանգյան
