16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Թալիբներն արցունքաբեր գազ են կիրառել բողոքող կանանց դեմ
Քաղաքականություն
04.09.2021 | 19:37
«Թալիբան» արմատական շարժման ներկայացուցիչներն արցունքաբեր գազ են կիրառել Քաբուլում տեղի ունեցած հանրահավաքի մասնակիցների նկատմամբ, որոնք պահանջում էին Աֆղանստանի ապագա կառավարության կազմում ընդգրկել կանանց: Այս մասին հաղորդում է Iz.ru-ն:
Աղբյուրի տեղեկատվության համաձայն ՝ հանրահավաքը կազմակերպել են մի խումբ աֆղան կանայք՝ քաղաքացիական ակտիվիստների հետ համատեղ: Նրանք փորձել են անցնել նախագահական նստավայր, սակայն նոր իշխանությունների գրոհայինները հետ են մղել հանրահավաքի մասնակիցներին, այնուհետև արցունքաբեր գազ կիրառել։
«Կանայք Քաբուլում կայացած հանրահավաքում դիմել են թալիբներին և միջազգային հանրությանը՝ խնդրելով պահպանել վերջին երկու տասնամյակների ընթացքում կանանց ձեռքբերումները և հարգել նրանց քաղաքական, սոցիալական և տնտեսական իրավունքները», — ասված է հրապարակման մեջ:
Աֆղանստանում իրավիճակը սրվել է 2021 թվականի մայիսին՝ 2001 թվականից ի վեր երկրում գտնվող ամերիկացի զինծառայողների դուրսբերման ֆոնին: Թալիբները հարձակում են սկսել երկրի խոշոր քաղաքների վրա և օգոստոսի 15-ին մտել Քաբուլ՝ հայտարարելով պատերազմի ավարտի մասին:
