Քաղաքականություն
03.09.2021 | 14:35Սահմանազատումն անհրաժեշտ է երկարատև խաղաղություն հաստատելու համար: Մեր հզոր լինելը, հզոր տնտեսություն ունենալն արդեն ապրելու պայման է, ոչ թե ուղղակի ցանկություն: Հայաստանին երկարատև խաղաղություն է պետք, իսկ դրա համար նախ՝ Ադրբեջանը պետք է հետ քաշի ուժերը, այնուհետև իրականացվեն սահմանազատման, սահմանագծման աշխատանքներ: Այս մասին Factor.am-ի հետ զրույցում նշեց ԱԺ «Քաղաքացիական պայմանագիր» խմբակցության պատգամավոր Արմեն Խաչատրյանը:
Պաշտպանության նախարար Արշակ Կարապետյանն ասել էր՝ ով ապօրինաբար ոտք կդնի Հայաստանի տարածք, անմիջապես պատասխան է ստանալու, սակայն, շատերի կարծիքով, նրա խոսքի և ներկա իրավիճակի միջև կա հակասություն, քանի որ տեղի են ունենում սադրանքներ, սակայն դրանց պատասխան չի տրվում: Անդրադառնալով այս դիտարկմանը՝ Խաչատրյանը նշեց. «Պաշտպանության նախարարը, իմ ըմբռնմամբ, տակտիկական առաջադրանք է տվել, որ սահմանը հատելու դեպքում պետք է դիմել թշնամուն ոչնչացնելու գործողությունների, կարծում եմ, որ սա ընդունվել է որպես հրաման, բայց մենք չպետք է շատ ոգևորվենք՝ կարծելով, թե մեր զինուժը ուժ է կիրառելու ցանկացած դեպքում, և սկսելու են մարտական գործողություններ: Ադրբեջանցիներին կես ժամում Սև լճի տարածքից վռնդելու խնդիր չկա, ռազմական գործողություններով մեր զինուժը պարտրաստ է այդ հարցը լուծել ժամերի ընթացքում, բայց այստեղ հարց է առաջանում, իսկ հետո՞ն ինչպես ենք պատկերացնում: Այսինքն՝ մեծ վտանգ կա, որ լայնածավալ ռազմական գործողություններ կսկվեն, իսկ այդ պարագայում մենք ի՞նչ իրավիճակում ենք հայտնվելու, մեզ ներկայումս պետք է խաղաղություն, մենք ունենք բանակը և տնտեսությունը վերականգնելու լուրջ խնդիր»,- նշեց Խաչատրյանը:
Մանրամասները՝ տեսանյութում:
