06.05.2024 | 12:34
ՄԱԿ-ի գլխավոր քարտուղարի օգնականն այցելել է Գեղարքունիք և Տավուշ
ԼՂ հակամարտության կարգավորման վերաբերյալ ձեռք բերված պայմանավորվածությունները հաջողությամբ իրականացվում են․ Լավրով
Քաղաքականություն
03.09.2021 | 13:11
ՌԴ ԱԳ նախարար Սերգեյ Լավրովը «Նոր գիտելիք» կրթական մարաթոնի մասնակիցների հետ հանդիպմանն ունեցած ելույթում անդրադարձել է, իր խոսքով, 2020 թվականին Հարավային Կովկասում «պատերազմը դադարեցնելուն ուղղված Ռուսաստանի նախագահ Վլադիմիր Պուտինի ջանքերին»:
«Խոսելով անցյալ տարվա մասին՝ մենք չենք կարող չխոսել մեր ջանքերի, առաջին հերթին՝ Հարավային Կովկասում ռազմական գործողությունները դադարեցնելու և Լեռնային Ղարաբաղի հակամարտության կարգավորման վերաբերյալ պայմանավորվածությունների ձեռք բերման մասին մեր նախագահի ջանքերի մասին: Դրանք այժմ հաջողությամբ իրականացվում են մեր նախարարության, պաշտպանության նախարարության ներգրավմամբ, ինչպես նաև մեր տնտեսական բլոկի մասնակցությամբ, որն ապահովում է այս տարածաշրջանում հաղորդակցությունների և տնտեսական կապերի ապաշրջափակման վերաբերյալ բանակցությունները»,- ասել է Լավրովը:
Տաթև Ֆռանգյան
