18.01.2026 | 17:17
Bild. Գերմանացի զինվորականները վաղաժամ և «առանց բացատրությունների» լքել են Գրենլանդիան
«Թալիբան»-ը հարվածներ է հասցրել Փանջշիր նահանգի դիմադրության ուժերի դիրքերին
Քաղաքականություն
02.09.2021 | 16:59
«Թալիբան» շարժման գրոհայինները հարձակվել են չգրավված Փանջշիր նահանգում դիմադրության ուժերի դիրքերի վրա: Այս մասին հայտնում է «Bakhtar News Agency»-ն:
Նշվում է, որ գործողության ընթացքում զոհվել է 9 մարդ, այդ թվում՝ դաշտային երկու հրամանատար, առգրավվել է մեծ քանակությամբ զենք ու զինամթերք: Թալիբ գրոհայինները Դերբենդ-Գարանի, Գյուլբահար և Շատալ շրջաններում ոչնչացրել են հակառակորդի 11 կրակակետ:
«Ալ-Ջազիրա» հեռուստաալիքի հաղորդմամբ՝ թալիբները որոշել են ռազմական գործողություն սկսել ապստամբների դեմ Փանջշիր նահանգում՝ դիմադրության առաջնորդ Ահմադ Մասուդի հետ բանակցությունների ձախողումից հետո:
Փանջշիր նահանգի ազգային դիմադրության ուժերը հերքել են Փանջշիրի կիրճի ծայրամասում թալիբների կողմից վեց դիրք գրավելու մասին տեղեկությունները, որը ծառայում է որպես թալիբների դեմ հանդես եկած ապստամբների հիմնական հենակետ։
Դիմադրության ուժերի ներկայացուցիչ Ֆահիմ Դաշտին հայտնել է, որ անցած օրերի ընթացքում թալիբները մի քանի գրոհներ են ձեռնարկել Փանջշիրում, սակայն ջախջախվել են։ Նրա խոսքով՝ ոչնչացվում է առնվազն 40 թալիբ, ևս 35-ը վիրավորվել է։
Տաթև Ֆռանգյան
