19.05.2026 | 19:17
Հրապարակվել է Հայաստանի և Լիտվայի միջև ռազմավարական գործընկերության մասին համատեղ հռչակագրի տեքստը
Ինչ է արձանագրել ՍԱՏՄ-ն Նոր Նորքում
Հասարակություն
31.08.2021 | 19:20
Նոր Նորք վարչական շրջանում ստուգայցերը բարվոք վիճակ են արձանագրել։ Այս մասին հայտնում է ՀՀ սննդամթերքի անվտանգության տեսչական մարմինը։
Նշվում է, որ Covid19-ի կանխարգելման համար ձեռնարկվող միջոցառումների հսկողությունը ՍԱՏՄ-ն կազմակերպում է ամենայն պատասխանատվությամբ:
ՀՀ սննդամթերքի անվտանգության տեսչական մարմնի Երևանի կենտրոնի տեսուչները շարունակել են շրջայցերը մայրաքաղաքի Նոր Նորք վարչական շրջանի իրացման ցանցում:
Կորոնավարակի դեմ պայքարի նորմերի խախտումներ չեն եղել:
Ստուգայցերը շարունակվելու են:
Հիշեցում․ Խախտումների արձանագրման դեպքում տնտեսավարողը նախազգուշացվում է, դրանց կրկնվելու դեպքում՝ կգործի վարչական պատասխանատվության «տուգանք» միջոցը՝ 100-ից 300 հազար դրամի չափով:
Հիշեցում․ կորոնավարակի կանխարգելման համար սահմանված հիմնական պահանջներն են՝ աշխատակիցներն ու գնորդները պետք է կրեն դիմակ, պահեն սոցիալական հեռավորություն, խանութներում պետք է հասանելի տեղում լինեն ձեռքերի ախտահանիչներ, մակերեսները պետք է պարբերաբար ախտահանվեն, ունենան ախտահանման ու ջերմաչափման գրանցամատյաններ:
