16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Փաստաբանները գրատախտակի վրա նշում էին Սեֆիլյանի դեմ տված ցուցմունքների հակասությունները
Հասարակություն
16.03.2018 | 16:52
Շենգավիթ վարչական շրջանում դատական նիստի ընդմիջումից հետո դատավոր Տաթևիկ Գրիգորյանի նախագահությամբ շարունակվում է Ժիրայր Սեֆիլյանի և մյուսների գործով դատական նիստը: Սեֆիլյանի պաշտպան Տիգրան Հայրապետյանը շարունակում է իր պաշտպանական ճառը:
Հայրապետյանն անդրադարձավ Սեֆիլյանի դեմ տված ցուցմունքներին՝ նշելով, որ միայն Հովհաննես Պետրոսյանն է Սեֆիլյանի դեմ ցուցմունք տվել:
Ի դեպ, նշենք, որ մեղադրողն ամենամեղմ պատիժը պահանջել էր հենց նրա` Հովհաննես Պետրոսյանի համար` 2 տարվա ազատազրկում: «Հովհաննես Պետրոսյանի հետ առերեսում տեղի չի ունեցել»,- հայտարարեց փաստաբանը, որով Սեֆիլյանի մի շարք հիմնարար իրավունքներ խախտվել են:
Փաստաբան Արայիկ Պապիկյանն ու Տիգրան Հայրապետյանը դատարանում գրատախտակ էին բերել, որի վրա ընդգծում էին Հովհաննես Պետրոսյանի տված ցուցմունքների հակասությունները: Մասնավորապես հակասություն կար Հովհաննես Պոտրոսյանի՝ Ժիրայր Սեֆիլյանին ճանաչելու ժամկետների մեջ` նա երկու ցուցմունքներում տարբեր տարիներ էր նշել: Հաջորդը հանդիպումների հաճախականության մասին էր, հակասություններ կային նաև գտնված զենքերի մասին տված ցուցմունքներում. «Հովհաննես Պետրոսյանն ասել էր զենքերն իրեն տված են եղել գաղափարի համար, սակայն մեղադրական եզրակացության մեջ ստացվել է, որ զենքերը տրված են եղել շենքեր, շինություններ գրավելու համար»,- ասաց փաստաբանը:
Հեռուստաաշտարակը գրավելու սխեմայի մասին տրված ցուցմունքներից մեկում Պետրոսյանը նշել էր, որ այն գրել է ու պահել իր մոտ, մեկ այլով նշել՝ տվել է Սեֆիլյանին. «300 զինվածն ուժ ունանալու մասին խոսելիս Հովհաննես Պետրոսյանն ասել է, որ կոնկրետ թիվ ասել չի կարող և անիրատեսական է համարում այդ տվյալները, բայց Սեֆիլյանի մեղադրական եզրակացության մեջ նշվել է, այդ թվով զինված անձանց խմբի մասին տվյալներ»,- նշեց փաստաբանը:
Փաստանաբանը նաև այլ ցուցմունքներ վկայակոչեց, որոնցում ևս անհամապատասխանություններ կային:
