Հասարակություն
31.08.2021 | 14:32
Երևան քաղաքի ընդհանուր իրավասության դատարանի Շենգավիթի նստավայրում այսօր հետաձգվեց ՀՀ երկրորդ նախագահ Ռոբերտ Քոչարյանի և նախկին փոխվարչապետ Արմեն Գևորգյանի գործի քննությունը։
Դատարանում տևական ժամանակ էլեկտրականություն չկար, ինչի պատճառով խաթարվել էր նիստերի հրապարակայնությունը։ Դատավոր Աննա Դանիբեկյանը որոշեց գործի քննությունը մեկ շաբաթով հետաձգել։
Նշենք, որ այսօրվա նիստում դատախազությունը պետք է հրապարակեր մեղադրական եզրակացությունը։ Բացի այդ, պաշտպան Էրիկ Ալեքսանյանը նախորդ նիստին հայտարարել էր, որ ինքնաբացարկի միջնորդություն ունի դատարանին։
Հիշեցնենք` Ռոբերտ Քոչարյանը և Արմեն Գևորգյանը մեղադրվում են առանձնապես խոշոր չափերով կաշառք ստանալու համար, Արմեն Գևորգյանը՝ նաև հանցավոր ճանապարհով ստացված գույքն օրինականացնելու մեջ, և այդ մասով նիստը շարունակվելու է։ Քոչարյանը մեղադրվում է 3 միլիոն դոլար, Գևորգյանը՝ 1 միլիոն դոլար կաշառք ստանալու համար:
Ռոզա Վարդանյան
