23.08.2026 | 22:08
2 քննիչներին ծեծի ենթարկած ոստիկանը և ևս 1 մեղադրյալ կալանավորվել են․ ՔԿ
Պուտինն ու Լուկաշենկոն սեպտեմբերի 9-ին կստորագրեն ինտեգրման բոլոր ճանապարհային քարտեզները
Քաղաքականություն
31.08.2021 | 16:32
Ռուսաստանի և Բելառուսի նախագահներ Վլադիմիր Պուտինն ու Ալեքսանդր Լուկաշենկոն սեպտեմբերի 9-ին Մոսկվայում նախանշված հանդիպմանը կստորագրեն ինտեգրման բոլոր ճանապարհային քարտեզները: Այս մասին հայտարարել է ՌԴ-ում Բելառուսի դեսպան Վլադիմիր Սեմաշկոն Վորոնեժի մարզի նահանգապետ Ալեքսանդր Գուսևի և Պետդումայի փոխխոսնակ Ալեքսեյ Գորդեևի հետ հանդիպմանը, գրում է ՏԱՍՍ-ը։
«Մենք, փառք Աստծո, երեք տարի անց վերջնակետում ենք գտնվում, երբ 28 քարտեզից միայն մեկն է մնացել։ Վերջինը, կարծում եմ, սեպտեմբերի 7-ին կավարտենք, և արդեն սեպտեմբերի 9-ին նախագահները կհանդիպեն Մոսկվայում, որտեղ կստորագրվեն բոլոր ճանապարհային քարտեզներն ու խորացված ինտեգրման զարգացման քարտեզները»,- ասել է նա։
Ավելի վաղ հաղորդվել էր, որ Պուտինը և Լուկաշենկոն ծրագրում են Մոսկվայում կայանալիք հանդիպմանը քննարկել երկու երկրների կառավարությունների կողմից պատրաստված դաշնակցային ծրագրերը և միջազգային հարցեր, ինչպես նաև երկկողմ օրակարգի արդիական հարցեր:
Տաթև Ֆռանգյան
