18.01.2026 | 11:31
Վթարային ջրանջատում Վայոց Ձորի մարզում
Ոստիկանության կողմից քաղաքացիների նկատմամբ իրականացվող բռնությունները չեն կարող արդարացվել. Արթուր Սաքունց. ՏԵՍԱՆՅՈՒԹ
Հասարակություն
31.08.2021 | 12:42
«Բիրտ ուժի կիրառում ոստիկանների կողմից. պողպատե մանդատ ընդդեմ քաղաքացիների՞» թեմայով առցանց քննարկման ժամանակ անդրադարձ կատարվեց օգոստոսի 14-ին Լոռու մարզում գրանցված դեպքին, երբ «Ֆորդ» մակնիշի ավտոմեքենան ոստիկանության ավտոմեքենայի կողմից հետապնդվելու ընթացքում վթարի էր ենթարկվել, ինչի հետևանքով երկու անձ մահացել էր։ Վթարից հետո դեպքի վայր եկած հարակից գյուղերի բնակիչները քաշքշելով և հայհոյելով հարվածներ են հասցրել ծառայություն իրականացնող ոստիկաններին՝ կատարվածի մեջ մեղադրելով նրանց, կողաշրջել և ձորն են գցել ոստիկանության «Ուազ» մակնիշի ավտոմեքենան: Ոստիկանության Թումանյանի բաժնի ծառայողների նկատմամբ բռնություն գործադրելու մեղադրանքով արդեն կալանավորվել է չորս անձ։
Հելսինկյան քաղաքացիական ասամբլեայի Վանաձորի գրասենյակի ղեկավար Արթուր Սաքունցն ընդգծեց, որ ոստիկանության կողմից քաղաքացիների նկատմամբ իրականացվող բռնությունները ևս չեն կարող արդարացվել:
«Ոստիկանության ապօրինի գործողությունները նույնպես քրեական հետապնդման ենթակա են: Այս առումով տեղին է հիշեցնել, որ անպատժելիություն հասկացությունը դեռևս հաղթահարված չէ: Ի՞նչ է նշանակում դատարանի շենքում բռնության ենթարկել կալանավորված անձանց և չհայտնաբերել, թե ովքեր են բռնության ենթարկողները կամ պատասխանատվության չենթարկել նրանց:
Հեղափոխությունից հետո իրավական գնահատական չտալը նույնպես անպատժելիության դրսևորում է»,- նշեց Սաքունցը:
Մանրամասները՝ տեսանյութում:
