14.09.2026 | 14:48
Անկարան հայտնել է, որ Թուրքիայից Հայաստան արտահանումը հունվար-օգոստոսին կազմել է 1 մլն 336 հազար դոլար
Վրաստանում կորոնավիրուսից մահացության բարձր մակարդակը կպահպանվի. մասնագետներ
Քաղաքականություն
30.08.2021 | 21:54
Վրաստանում համաճարակաբանական իրավիճակն աննշան կայունացել է, մահացության բարձր մակարդակը կպահպանվի: Այսպիսի կանխատեսում է անում Հիվանդությունների վերահսկման և հանրային առողջության ազգային կենտրոնի ղեկավար Ամիրան Գամկղրելիձեն: Ըստ նրա` եթե մինչև տարեվերջ չափահաս բնակչության 80% -ը պատվաստվի, ապա Նոր տարին կլինի ավելի հանգիստ և ազատ կանցնի: Այս մասին գրում է Aliq.ge-ն։
Կորոնավիրուսի հետևանքով առաջացած բարդությունների պատճառով Վրաստանում վերջին 24 ժամվա ընթացքում մահացել է 76 հիվանդ, համաճարակի սկզբից ՝ 7251 -ը: Ըստ Գամկրելիձեի` յուրաքանչյուր 1000 նոր դեպքի համար միջինում գրանցվում է 10-15-17 մահ:
Ինչպես վստահեցնում է համաճարակաբանը, եթե սեպտեմբերին և հոկտեմբերին հնարավոր լինի պատվաստել մեկ միլիոն բնակչի, ապա Վրաստանն ավելի շուտ կհասնի հիմնական նպատակին` չափահաս բնակչության 60%-ի պատվաստում:
Նախատեսվում է սեպտեմբերին օրական 30-33 հազար մարդու պատվաստում իրականացնել: Ըստ մասնագետների` դա միանգամայն հնարավոր է՝ ելնելով երկրում առկա պատվաստանյութի պաշարներից, ինչպես նաև հիմնարկների և պատվաստումներ իրականացնող թիմերի քանակից:
Զանգվածային պատվաստումները Վրաստանում սկսվեցին հուլիսի 5 -ին, երբ երկիրը ստացավ չինական Sinopharm և Sinovac պատվաստանյութերի 1 միլիոն չափաբաժին:
Վերջին տվյալների համաձայն՝ Վրաստանում իրականացվել է 1.45.925 պատվաստում: 374 870 մարդ լիովին պատվաստվել է երկու դեղաչափով:
