Հասարակություն
30.08.2021 | 21:16
Օգոստոսի 30-ին` ժամը 13։14-ին Արմավիրի մարզային ճգնաժամային կառավարման կենտրոն ահազանգ է ստացվել, որ Էջմիածին քաղաքի Մարգարայի խճուղում այրվում է անասնակեր։
Դեպքի վայր են մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ։ Այս մասին տեղեկացնում է ԱԻՆ-ը։
Հայտարարվել է հրդեհի բարդության Թիվ 2 կանչ․ դեպքի վայր են մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից ևս երկու մարտական հաշվարկ։
Հրդեհը մակուսացվել է ժամը 14։57-ին, մարվել՝ 15։48-ին։
Այրվել են մթերային խանութի և ավտոտեխսպասարկման կետի տանիքներից մոտ 60 քմ հատված, անասնագոմի տանիքը (մոտ 90 քմ), մոտակա տան տանիքը (մոտ 6 ք.մ), 500 հակ անասնակեր, և մոտ 500 ճագար սատկել է։
