29.06.2026 | 23:11
ԱԱ-2026. Բրազիլացիները կամային հաղթանակով դուրս եկան 1/8 եզրափակիչ. ՏԵՍԱՆՅՈՒԹ
Քաբուլի բանկերի մոտ հսկայական հերթեր են
Քաղաքականություն
30.08.2021 | 20:18
Գնալով Քաբուլի բանկերի մոտ մեծանում է այն մարդկանց թիվը, որոնք ցանկանում են կանխիկացնել իրենց միջոցները․ բոլորի մոտ մտավախություն կա այն բանից հետո, ինչ թալիբները երկրում սահմանափակեցին սեփական միջոցները կանխիկացնելու հնարավորությունը։ Այս մասին հայտնել է աֆղանական Ariana News հեռուստաընկերությունը, փոխանցում է ՌԻԱ Նովոստին։
Կիրակի օրը Khaama Press-ը, հղում անելով Աֆղանստանի կենտրոնական բանկի ղեկավարությանը, հայտնել էր, որ ԿԲ-ն հանձնարարել է մասնավոր բանկերին վերսկսել աշխատանքն ու սահմանափակել դրամական միջոցների կանխիկացումը։ Համաձայն հրահանգի՝ բանկերը պարտավորվել են սահմանել անհատների կողմից կանխիկացվող գումարի հստակ չափ՝ շաբաթական 200 դոլար։
«Աշխատանքային իրավիճակը զրոյական է, քանի որ բանկերն ու բորսաները փակ են։ Մենք կոչ ենք անում իսլամական էմիրությանը հնարավորինս շուտ վերականգնել Աֆղանստանի տնտեսությունը»,-հայտարարել է տեղացիներից մեկը։
Հեռուստաընկերությունը նշում է, որ ապրանքների գները, ներառյալ՝ յուղն ու բրինձը, արագ աճում են, իսկ աֆղանական տարադրամի փոխարժեքն օրեցօր անկում է ապրում։
