29.04.2026 | 00:57
Չեմպիոնների լիգա․ ՊՍԺ-ն գերգոլառատ խաղում հաղթեց «Բավարիային». ՏԵՍԱՆՅՈՒԹ
Ստացվում է` Սեֆիլյանի բախտը չի բերել, որ Դուք եք իր դատավորը. փաստաբանը` Տաթևիկ Գրիգորյանին
Հասարակություն
16.03.2018 | 13:27
Փաստաբան Տիգրան Հայրապետյանը շարունակում է հրապարակել Ժիրայր Սեֆիլյանի պաշտպանական ճառը: Փաստաբանը ճառում անդրադարձավ դատական նիստերի ժամանակ Սեֆիլյանի ոտքի չկանգնելուն և սանկցիաների ենթարկվելուն. «Սասնա ծռերի» գործով դատավորները նիստերի ժամանակ ամբաստանյալների ոտքի չկանգնելու համար սանկցիա չեն կիրառել, և նիստերը շարունակում են իրենց հունով ընթանալ, մինչդեռ այս դատավարության ժամանակ բոլորովին այլ է: Ստացվում է, որ Ժիրայր Սեֆիլյանի բախտը չի բերել, որ իր գործով Դուք եք դատավորը»:
Այս խոսքերից հետո դահլիճում ներկաները ծափահարեցին փաստաբանին: Հայրապետյանը նշեց` ոտքի չկանգնելու տարբեր պատճառներ կարող են լինել. «Եթե, օրինակ, մարդը իր կրոնական հայացքների պատճառով չի կարող ոտքի կանգնել` ի՞նչ պիտի անենք»:
Հայրապետյանը դատարանին խնդրեց վերջնական որոշում կայացնելիս ուշադրություն դարձնել իր բերած փաստական հանգամանքներին: Սեֆիլյանի պաշտպանը նաև հիշեցրեց դեպք, երբ դատական նիստի օրն ու ժամը որոշում են, հետո մամուլից տեղեկանում են, որ դատավորը նիստի ժամը փոխել է. «Եթե դատավորը առանց նիստ հրավիրելու ժամը փոխում է, նշանակում է ինչ-որ մեկի հետ խորհրդակցել է: Իսկ եթե այդպես է` ուրեմն դատարանն անկախ չէ»:
Լիլիթ Շաբոյան
