11.10.2026 | 10:11
Շանհայ. Կարեն Խաչանովը դուրս եկավ 1/8 եզրափակիչ
Թուրքիան պատրաստ է դիտարկել Քաբուլի միջազգային օդանավակայանի կառավարման հարցը
Քաղաքականություն
30.08.2021 | 16:45
Թուրքիան ուշադիր հետևում է Աֆղանստանում տիրող իրավիճակին: Եթե ձևավորվեն համապատասխան պայմաններ և լինի առաջարկ, հնարավոր կլինի քննարկել Քաբուլի միջազգային օդանավակայանի կառավարման հարցը: Այս մասին երկուշաբթի Անկարայում լրագրողների հետ զրույցում հայտարարել է Թուրքիայի ազգային պաշտպանության նախարար Հուլուսի Աքարը, գրում է «Անադոլու» գործակալությունը:
Պաշտպանական գերատեսչության ղեկավարն ընդգծել է, որ Թուրքիան և Աֆղանստանը կապված են պատմական կապերով:
Հուլուսի Աքարը հիշեցրել է, որ թուրքական ռազմական զորակազմը վերջին 20 տարիների ընթացքում հաջողությամբ մասնակցել է Աֆղանստանում տարբեր առաքելությունների:
«Թուրքիան հանդես է գալիս և ձգտում է իր ներդրումն ունենալ Աֆղանստանի վերակառուցման գործում՝ ապահովելով աֆղան ժողովրդի անվտանգությունն ու կայունությունը: Քաբուլի օդանավակայանի հարցում պետք է ապահովվեն անհրաժեշտ պայմանները, պետք է ընդունելի լինեն և հաստատվեն Թուրքիայի պետական մարմինների կողմից, ինչպես նաև պետք է տրվեն նախագահի հանձնարարականները: Մենք պատրաստ ենք դիտարկել բոլոր առաջարկները»,- ասել է թուրք պաշտոնյան:
Տաթև Ֆռանգյան
