07.11.2024 | 21:46
Երևանում և 8 մարզում էլեկտրաէներգիայի անջատումներ կլինեն
«Իդա» փոթորիկը հարվածել է ԱՄՆ Լուիզիանա նահանգին․ քամու արագությունը գերազանցել է 240 կմ/ժ-ը
Քաղաքականություն
30.08.2021 | 13:41
Ատլանտյան օվկիանոսում գոյացած «Իդա» փոթորիկը հարվածել է ամերիկյան Լուիզիանա նահանգին: Գրեթե մեկ միլիոն մարդ մնացել է առանց էլեկտրամատակարարման, այդ թվում՝ նահանգի ամենախիտ բնակեցված Նոր Օռլեան քաղաքը: Խափանումները, ինչպես նշում է էներգետիկ ընկերությունը, կապված են էլեկտրահաղորդման գծերի «աղետալի վնասների» հետ, գրում է BBC-ի ռուսական ծառայությունը:
Փոթորկին տրվել է վտանգավորության հինգ հնարավոր աստիճանից չորրորդը, քամու արագությունը գերազանցել է 240 կմ/ժ-ը: Հայտնի է փոթորկի առաջին զոհի մասին․ ծառն ընկել է տղամարդու վրա:
Նահանգի իշխանությունները նախօրոք կազմակերպել էին վտանգված շրջաններից մարդկանց տարհանումն ու հույս հայտնել, որ «Քաթրինա» ավերիչ փոթորկից հետո զգալիորեն ամրացված ամբարտակներն այս անգամ կդիմագրավեն տարերքին։
Հավելենք, որ 2005 թվականի օգոստոսի 29-ին «Քաթրինա» փոթորկի հետևանքով հեղեղվել էր Նոր Օռլեան քաղաքի տարածքի 80 տոկսոը։ Այն ժամանակ զոհվել էր ավելի քան 1,800 մարդ։
Տաթև Ֆռանգյան
